امیرِ اَہلِ سنّت علامہ محمد الیاس عطّاؔرقادری دَامَتْ بَرَکَاتُہُمُ الْعَالِیَہ کی نواسی کے ہاں مدنی منے کی ولادت ہوئی ہے،مدنی منے محمد ریّان عطاری کے نانا ابوالبنتین حافظ حاجی حسان عطاری مدنی اس مدنی منے کو لے کر امیرِ اَہلِ سنّت دَامَتْ بَرَکَاتُہُمُ الْعَالِیَہ کی بارگا ہ میں پہنچے، امیرِ اَہلِ سنّت نے تمام گھر والوں کو مبارکباد دی اور مدنی منے کو دعاؤں سے نوازا اور مدنی منے محمد ریان عطاری اور محمد حسن رضا بن حاجی علی عطاری کو چل مدینہ کا مژدہ بھی سنایا۔

دعوتِ اسلامی کے عالمی مدنی مرکز فیضان ِ مدینہ میں جمعرات اور جمعۃ المبارک کی درمیانی شب انڈونیشیا سے آئے ہوئے عاشقانِ رسول نے امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ سے ملاقات کی سعادت پائی ، امیر اہلِ سنّت دَامَتْ بَرَکَاتُہُمُ الْعَالِیَہ نے ان کو تحائف سے نوازا اور سلسلہ ٔعالیہ قادریہ میں داخل بھی فرمایا ۔ انڈونیشین اسلامی بھائیوں نے امیر اہلِ سنّت دَامَتْ بَرَکَاتُہُمُ الْعَالِیَہکو اپنے ملک کی ثَقافتی ٹوپی پیش کی جسے آپ نے ان کی دلجوئی کےلئے اپنے سر پر سجائی۔ اس موقع پر نگرانِ شوریٰ مولانا محمد عمران عطاریمَدَّظِلُّہُ الْعَالِی اور دیگر اراکینِ شوریٰ بھی موجود تھے۔

امیرِ اَہلِ سنّت حضرت علّامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے ماہِ جُمادَی الاُخریٰ1440ھ کی22ویں تاریخ کو امیرُ المؤمنین حضرت سیّدُنا ابوبکر صدیق رضی اللہ عنہ، 14ویں تاریخ کو حضرت سیّدُنا امام غزالی رحمۃ اللہ علیہ کے عُرس اور 11ویں کو ماہانہ گیارھویں شریف کے سلسلے میں ایصالِ ثواب اور نیاز کا اہتمام کیا اور مدنی چینل کے ناظرین کو مدنی پھول ارشاد فرمائے۔